Casto Solano

Olatzagutian, Nafarroan, jaioa, 1958an. Casto Solanoren berri ematen diguten datu biografikoak eskasak dira; izan ere, ohiko ingurumaria artistikoei itzurtzen zaien artista dugu. Herritarrek egiten dioten ezagutza eztabaidaezina da, eta harentzat funtsezkoa eskulturari, bere lanari egindako ekarpena da, egindako erakusketa edo ikasketez edo eskuratutako sariez harago betiere.
Sevillako Expo delakoak mugarriarena egin zuen haren ibilbide artistikoan, Espainia, Euskadi eta Errusiako pabiloientzat egindako eskulturak zirela kausa. Eskulturari osoro eman aurretik, Casto Solanok Forondako kontrol dorrean lan egiten zuen.
Beste euskal eskultore handiek ez bezala, Casto Solanok arte figuratiboaren bidea jorratu du. Publikoarekin komunikatzeko duen gaitasun handia du ezaugarririk nabarmenena; izan ere, haren lana bereziki kalean kokatzen da, ez museoetan.
Eskultura ugari ditu kaleetan, hala nola Gogoeta eta Kent Follet-en monumentua Gasteizen, bere webean ikus dezakezuen bezala.

Eskulturak

Izenburua Monumentua Rubiali  Lekua Bilbo La Salve zubi azpian  Materiala Brontzea  Neurriak   Inaugurazioa 2001ean  Sustatzailea Instituzionala

Izenburua Iqbal Masih / Ume pentsalaria  Lekua Gasteiz Correo enparantza  Materiala Brontzea eta harria  Neurriak 43x31x35 cm  Inaugurazioa 1995 ean  Sustatzailea Gasteizko Udala

Izenburua Minotauro / Minotaur  Lekua Gasteiz Eduardo Dato kalea.  Materiala Brontzea eta burdina  Neurriak 150x150x250 cm  Inaugurazioa 1994 an  Sustatzailea 1992an Sevillan egindako Erakusketa Unibertsalerako egina eta ondoren Udalak erosia.